#CB_MOTIVATION (ماشي اشهار)
واحد العالم ميريكاني كان مسالي شوية عيط لولد مغربي وجابوني وفرنساوي وميريكاني يدير عليهم واحد التجربة ..حط لكل واحد طرف د الحلوى قبالتو وسولو : اشنو تختار تاكل الحلوى داابا وتمشي بحالك ..؟ اولا تصبر ربع ساعة وهي قدامك ومن بعد تاخذ جوج ؟ 🤨
..السيد حيت مسالي بقا صابر خمسين عام وهو تابع الناس اللي دارو التجربة.. خمسين عام راه الناس قراو وخدمو وتزوجو وعندهم الولاد .. المفاجاة كانت .. ان هادوك اللي صبرو ربع ساعة عاد كلاو الحلوى .. من بعد خمسين عام كانو متفوقين فكولشي تقريبا على اللي كلاو الحلوى فساعتها .. فاليداو بمونصيون .. خداو ديبلومات اكثر .. وظائف احسن .. مامبليينش بزاف وماتايشربوش بزاف .. وماعندهومش مشاكل عاطفية بحال الاخرين طبعا :3
غادي تكول ليا وايلي واش طرف د الحلوى هو اللي ايحدد مستقبلي ..؟ 🤔
لا طبعا هادي غير تجربة ونتائجها تاتبقى نسبية .. ومزالا موضوع نزاع ليومنا هذا ..
ولكن السيد راه دار تجربة على المتعة الفورية .. 😃INSTANT GRATIFICATION
اللي بغى يوصل لينا ان الدراري اللي ماكلاوش الحلوى فساعتها نجحو فحياتهم اكثر من الاخرين .. حيت قادرين يصبرو ياجلو المتعة الفورية باش يستمتعو بيها من بعد .. A long terme ze3ma
.. من الاخر " من اراد العلى .. سهر الليالي "❤
ماعرفتش شكون صاحب القولة .. ولكن باينة زوينة حيت فيها معادلة ساهلة وزوينة
بلا تعقيدات باغي تحقق اهدافك ديرهم بين عينيك ودير فبالك باللي ضروري ما ضحي بشوية سواء من.. وقتك .. نعاسك.. فلوسك .. تخرج مع صحابك ..اولا تمشي تفرج فرقتك .. اتحتاج تخلى على شي حاجة من هادو باش توصل لداكشي اللي بغيتي ..😉
كيف بغا يكول لينا والتر راه خاصك تصبر على المتعة الفورية باش تحقق متعة اكبر فالمستقبل .. اه ودير فبالك راه ضروري ما يكونو عراقيل كيفما ضروي مايكونو لحظات صعاب لحظات انهيار وتعب .. حيت ماكناش غادي نحسو بقيمة النجاح الى ماكانوش لحظات فشل.. كيف ماغاديش نعرفو قيمة الضو الى ماكانش الظلام .. ❤
المهم انا ماجيتش لومك حيت كسول فقير اولا حيت مبلي وفنفس الوقت ماتانشجعكش.. عادي جدا حيت ببساطة انت ماقدرتيش تقاوم المتعة الفورية ديال النعاس دالراحة اولا شي حاجة اخرى تاتخذ ليك وقتك .. 😴
انا جيت باش نكول ليك كلس مع راسك شوية حط قهوة او حليـب باللويزة .. اللي بغيتي
.. المهم هو تكلس وطرح على راسك هذاك السؤال الفلسفي العميـــــق :
فــــــيــن غادي ..؟؟ فيـــــن أواا غــادي ؟؟ 🤔
الى لقيتي جواب .. وعرفتي راسك فين وصلتي .. واشنو باقي ليك.. مزيان الله يوفق .. مافيها عيب الى ديتي معاك شي واحد فطريقك .. عاونو باش قدرتي واخا بفكرة او كلمة زوينة.🤗
الى مالقيتيش جواب حط قهوة احسن وكمل معايا .. ماغاديش نقرا عليك قوة الارادة اولا كيف تصبح مليونير في دقائق ..حيت غالبا قريتيهم ومادرتي والو.. وماغاديش نكول ليك باللي هاذ البوسط من ذهب وغادي يبدل حياتك فخمس دقائق .. هو الصراحة الى كنت عوال نيت راه غير ربعة راه كافيين .. 😎
انعطيك اقتراحات اولا حلول تقدر تستغلهم انت وشطارتك ..😄
محتاج مصروف باش تعاون راسك على القراية وماباغيش تكول عطيني :
- خدم بالنهار وقرا بالليل .. شوف هاد الشركات .. راه تايخدمو الطلبة بوقت وصالير زوين .. DEFACTO, Decathlon, LC WAIKIKI, MC DONALD’s
- تاتشوف راسك ماتقدرش تجمع بيناتهم .. متفوق فشي مادة دير دروس الدعم للناس اللي محتاجين .. تلاميذ او طلبة انت ومستواك طبعا .. 😌
-حتى هادي ماقدرتيش عليها هانية .. عندك وقت بزاف وباغي فلوس بزاف .. شوف لتحت شي حاجة على الدروب شيبينغ.. الريسكن الويب الفوطوشوب اولا الديزاين .. 😎
- باغي تفالدي القهوة والسهير بوحدهم ماكافيينش😏.. كولنا تانسهرو غير هو كل واحد وعندو سبب مختلف .. خدم بزاف وبدا توجد على بكري .. �😁
راك محسوب على البحث العلمي .. تأملها ! ماتنتظرش المعلومة هي تجيك من لافاك ! نكونو منطقيين .. ونواجهو الواقع .. اللي بغا يقرا ينوض يقري راسو براسو .. ومايساينش شي حاجة طيح من السما .. الوحي وقف ف 13 هجرية .. كوكل-يوتوب-بينغ فابور ...🙄
والى خدمتي مزيان ومافاليديتيش ماتلومش ديما الاستاذ قلب على الخطا فين كاين وحاول تلقى ليه حل .. فكر فطريقة الجواب ديالك واش صحيحة اولا .. تعلم تسير وقت الامتحان وحاول تجنب ضيع الوقت فالوساخ .. ودير فبالك ديما باللي الى مافاليديتيش ماتايعنيش راك مكلخ فكر ديما باللي انت طالب باحث .. وخاصك تمشي تقرا باش تقرا كهدف اول .. عاد باش تجيب نقط 🤔
-------------------------------------------------------------------
-عندك ديبلوم ومامعمرش ليك العين كمل قرايتك اديسطونص وخود ديبلوم من يودمي.. بشراكة مع انابيك يوصل حتى للدار.. اولا شي موقع من هادو اللي لتحت تولي عندك VALEUR AJOUTEE F CV DIALK 👌
https://www.udemy.comhttp://mooc.um5.ac.mahttps://www.canva.comhttps://www.fun-mooc.frhttps://www.coursera.org/-------------------------------------------------------------------
-مزال عندك الجهد باش تقرا دفع باك ليبر وكمل فدومين قريب لديالك ..
احسن BTS LIBRE اولا
-------------------------------------------------------------------
- ايكونوميست وعندك PFE محتاج كتوبة يعاونوك شوف هاد المكتبات راه فيهم داكشي زوين وفبزاف د المجالات .. ❤❤
https://drive.google.com/drive/folders/0B_SlBHr9MINCWUtKTnRXbFFEU3c?fbclid=IwAR2zTy8WKf2_tpsYAMSYLUh3liR_7HOToc_yNpPOAVOmu3LqTFqDZ007TEAhttps://byfadil.wordpress.comhttp://meslivres.sitehttps://archive.orghttps://gallica.bnf.frhttp://theses.frhttps://fr.wikisource.org-------------------------------------------------------------------
- دخل هنا تعلم للوورد الاكسيل اتحتاجهم بزاف فقرايتك او خدمتك ..
اكسيل : ✔
https://drive.google.com/drive/folders/1ILXfTv4NtgS-eMzAGPDwkuzsggC5xJLT-------------------------------------------------------------------
وورد: ✔
https://drive.google.com/drive/folders/1r5czpxPTBOTMakbCptnRUBO-gRkanxa7-------------------------------------------------------------------
باور بونت✔
https://drive.google.com/drive/folders/1JP-9EnO-x2HkCIDlpC9rJ3QUNOd5nxIu-------------------------------------------------------------------
- ساليتي قرايتك وباغي تخدم.. كيف العادة ضروري من تضحيات اصديقي .. دير سطاج هنا وهنا ولهيه خود تجربة عمر السي-في ديالك .. عمر دماغك ابليكي داكشي اللي قريتي وعاد هضر على الخدمة ..باش تقلب على سطاج او خدمة😎
شوف هاد المواقع يقدرو يفيدوك :
https://emploi-public.mahttp://alwadifa-maroc.com/https://www.rekrute.com/https://www.dreamjob.ma/https://www.cdicdd.com/http://www.m-job.mahttps://www.cdicdd.com-------------------------------------------------------------------
- قلبتي ومالقيتيش .. ماشي السبب ديما ماكايناش خدمة .. ربما عندك السيفي خاوي اولا
عيان دخل هنا قاد واحد بطريقة زوينة .. كيف تانكولو زوق تبيع ..�😁
https://modele-cv.org/https://cvdesignr.com/frhttps://app.onlinecv.frhttps://www.freepik.com--------------------
- عندك فكرة مشروع دارسو مزيان تايق فراسك وعارف راسك اتمشي بيه بعيد .. شوف مع ,CENTRE D’INVISTISSEMENT, ANAPEC , INDH
راه خدمتهم هي يعاونوك ويعطيوك دعم مالي تقني او فني .. اولا شوف طوطال راه كل عام تاينظمو مسابقات من هاد النوع .. 😍
-------------------------------------------------------------------
- -باغي طور راسك قرا على ‘راسك ‘ قرا البسيكو بحث فالوجود فاصل الخلق فالديانات ... قرا علوم من مجالات مختلفة ماتنحاصرش فداكشي الاكاديمي.. قرا الادب الروسي الفرنسي العربي .. قرا لدستويفسكي قرا لهيغو قرا للمنجرة حنا مينا وعبد الرحمان منيف ..قرا لافلطون ونيتشه قرا لجورج اورويل وميكافيليه قرا لداروين واينشتاين .. قرا اللي بغيتي ولمن ما بغيتي المهم قرا وماتبقاش محدود وسع معارفك وغدي نفسك ..وانتظر النتيجة😍
مكتبات PDF فابور :
https://drive.google.com/drive/folders/0ByD6EwjcC62vQ1g4VXBnNk1SOFUhttps://drive.google.com/drive/folders/1MUjkBfVtvN3yZ0nW4vp8OQpllyusrzZz-------------------------------------------------------------------
- مسالي وماعندك مايدار ماقاري ماخدام .. كيف تاتكولو كالس كالس ربي الفلالس ..
تيليشارجي هاد لي كورس وتعلم شي حاجة جديدة :
الدروب شيبينغ..❤
https://drive.google.com/drive/folders/1qA494bvFW3WjgZcQ9ZBZV9XZfztWUHeE?fbclid=IwAR34A7rzg2YIYxCPcflyAysizcTilyqqNFT50L0yEL4WxBnPhRcx0YZLB0A-------------------------------------------------------------------
الريسكن ❤
https://drive.google.com/drive/folders/1MxiC9Kw38quKwuO030HfnfA3dTtTYbRO?fbclid=IwAR3mos-b1QTcBGuqoxhKkSC0KFmU0gU012trUrwb-skkGcYm9STW3ZBenn8-------------------------------------------------------------------
الاختراق والامن المعلوماتي ❤
https://drive.google.com/drive/folders/1Hmjchk676WARVAqbyJyL7g00fb_hPFzZ?fbclid=IwAR34jsRqDZPBXwfImD6mSx1KrSNrkUWEaYk4Vi1ZN5NdTmnw3UJbkWFS_Xk-------------------------------------------------------------------
الديرزاين ❤
https://drive.google.com/drive/folders/17vme--P_nn8UTzzUhXG4g3m0KWS2z5v5-------------------------------------------------------------------
الويب HTML , JAVA , PHP, MYSQLI ,CSS … 😍
https://drive.google.com/drive/folders/10oYRTzxi1nqObxClWNLye9DmNSvFBo9_?fbclid=IwAR3dw5f3678Y8yfBd51zEOrcka2T9xzthxoc23whDI-8qjFITmFfoc1X0yw-------------------------------------------------------------------
فوطوشوب😁
https://drive.google.com/drive/folders/1xpGK4ky61v0cNYuBNu0cdO_3KwX289lN-------------------------------------------------------------------
الانجليزية 🙄
https://drive.google.com/drive/folders/1ib1wVaEhtFFYRhUQmxoyGyUQReLcLDXd?fbclid=IwAR1TtyNA3O_6hp2MtbhWiODMPkCvpiS2i9rkYXBxEBOiRCw_bISMU8NgdI-------------------------------------------------------------------
الفرنسية 🤦♂
https://drive.google.com/drive/folders/1xhRqmZmTSCSmrkDosd3KhXf4aAtn--------------------------------------------------------------------
-------------------------------------------------------------------
قريتي هاشي كامل مزال تالف وماعرفتيش راسك من رجليك .. لاناليز سووت ماشي غير د الشركات بوحدهم .. طبقها على راسك حتى انت راك انفيستيسمون بالنسبة لواليديك😂😂
S.W.O.T
strengths
قلب على نقاط القوة ديالك طورهم وحاول تستغلهم مزيان .. هوما باش تقدر تزيد لقدام فحياتك .. 😎
Weaknesses
ضروري ماغادي يكونو عندك نقط ضعف اللي حتى هوما خاصك تخدم عليهم ومن الاحسن تبدا بيهم باش تيق فراسك وماتباقش خايف وضعيف ..😶
Opportunilies
هوما الفرص اللي قبالتك وانت مغمض عينيك عليهم .. خاصك تعرف تستاغلهم حيت كاين شي فرص تايجيو مرة وحدة وماتايتعوضوش وهوما نيت اللي عندك انت وماعرفش قيمتهم فالوقت اللي واحد اخر تايتمناهم .. الويفي مثال بسيط .. اهم نقطة فنظري عطيها وقتها ..❤
Threats
هوما التهديدات اولا المخاطر اللي يقدرو يوقفو فطريقك وانت خدام على اهدافك .. عادي جدا .. موجودين خاصك غير توجد ليهم وتكون ضارب الحساب لواحد الهامش د الخطأ فداكشي اللي تادير و خاصك تتقبلو بالروجولة ..😉
Marge d’erreur / échantillonnage
-------------------------------------------------------------------
طولت عليك ياك المسامحة 😌.. المهم !
الى لقيتي راسك فشي لعيبة من هادشي اللي لفوق نتمنى تبدا بيها ماحدك موتيفي وماضيعش الوقت اكثر ..وفنفس الوقت ماتاخدش الحياة بجدية كبيرة عاوتاني ..رخف فيك النفس ومرة مرة طلقها تسرح .. حاول تشد العصا من الوسط .. باش ماتملش .. حيت الحاجة اللي تاتجي بالزربة تاتمشي بالزربة .. 😉
ماتنساش تشوف الهاشطاغ راه فيه لعيبات اخرين ..
بالتوفيق 💖
#سفيان_لصفر ^^
